3/1 上任第一次hold 團契!!! 緊張! 好多野原來都未預備好... = =" 我點會咁遲先預備架? 不過好在趕得切...
我同男朋友仔& fish 都早左返去預備, 返到去先知本來有既電腦壞左, 又咁o岩教會d 電腦借哂出去, 幸好搵到人借畀我地... 感謝主! 剛剛好係團契開始前做好哂所有野^^"
大家都好投入~ 真係好開心! 有咁多位弟兄姊妹返左黎參與, 真係好大鼓勵!
成個流程算唔錯~ 真係要多謝ka in 諗左呢兩個games 同之前一齊度裏面d 野~ 又要謝謝unun 幫我地做個ppt template~ 雖然臨時借返黎既電腦show 唔到原本靚靚既ppt 同打唔到中文, 下次應該可以畀大家見到佢既真面貌~^^
完左團契同大家傾兩咀, 之後去搵tt 報旅行團, 12-16/1 唔係香港~ 應承過同佢離開下香港輕鬆下, 享受下~ 雖然對我而言唔洗去旅行先輕鬆到~ 反而仲有d 唔捨得添... 我驚驚地雙思病發作...~.~ 不過我都會好好享受旅程~ 如果想我返到黎有相睇的話, 請大家祈禱我地平安, 玩得開心, 部相機又平安同有電啦~^^"
為左唔撞返團契, 開職員會同崇拜既時間, 唯有硬著頭皮選擇左超凍既地方去旅行, 問題係我係一個怕凍怕得要命的人, 係香港都唔係好頂得順呢幾日既天氣, 更何況... 請為我祈禱身體健康同唔好因為天氣而太辛苦, 唔係就享受唔到個旅程...>.<"
4/1
執事, 團契職員等就職禮~ 係聖壇前望住陽光透過彩色玻璃窗映在每位事奉人員的身上, 心裏興奮, 滿足, 感恩, 多種感受! 本來已經為到上帝在我身上施的恩惠, 佢對我既饒恕, 憐憫, 關懷與看顧, 仲要肯畀我為佢事奉咁多而感動得喊左出黎... 出黎就職, 更難掩個份既感激! 我咁微小都用我, 太... 開心了! >.< 難以言喻!! 我會努力架!!!
同我組組長食飯~ 佢真係好! 團契時已畀左我地咁多個組員一人一張卡兼珍寶珠, 又約我地出黎食飯傾偈, 好有心呀! ^^ 滿幸福的! 哈哈! 好好笑! 我既身份係組員又同時係職員, 不過弟兄姊妹無分職級, 尤其我地都話過想新一年裏, 唔單止組長關顧組員, 都想組員作主動關心其他組員同組長.
之後返教會去左男朋友仔個邊的代禱事奉既聚會. 好似係教大家點為人代禱, 黎梗好快就開始會有一班人係崇拜後為有需要既人代禱~ 好好呀~ 但又好需要人手... 一方面我有少少怕做唔黎, 另一方面係我又係主日學老師, 如果去埋呢個, 可能會撞時間...
好開心呀! fish 同unun 兩個竟然係度執梗個團契櫃執到靚一靚好整齊! fish 話想執好耐, 好礙眼~ kee~ 佢地兩個真係好犀利! 好好呀! 忍唔住攬住佢地~>w<~
未收集到大家的contact 同其他資料, 希望聽日出到e-mail 畀大家啦~
Chatboard (0)